ಹೇಳಿ ಹೋಗು ಕಾರಣ. . . .

ಮನಸಿಲ್ಲದ ಮನಸು

ಮಿಡಿತವಿಲ್ಲದ ಹೃದಯ

ನೆನಪಿಲ್ಲದ ಬದುಕು

ಸಂಗಾತಿಯಿಲ್ಲದ ಜೀವನ

ನನ್ನದಾಗಿತ್ತು ಗೆಳತಿ. . . . 

ಒಮ್ಮೆ ನೀ ಕೊಟ್ಟ ನಗು

ನೀ ಸೆಳೆದ ಕಣ್ಣ ಬಿಂಬ

ಸವರಿದ ತಂಗಾಳಿ

ಬಳುಕುವಾ ನಡೆ

ಎಲ್ಲವನೂ ಎಚ್ಚರಿಸಿತ್ತು ಗೆಳತಿ. . .

ಅದೇನೋ ತವಕ ಪುಳಕ

ನಿನ್ನ ನೋಡುವ ಕಣ್ಣ ಕಾಟ

ಢವ ಢವ ಎದೆಯ ಬದಿತ

ಪಿಸುಗುಡುವ ಮನಸ ಮಾತು

ಕಾಡುತ್ತಲೇ ಇದೆ ನನ್ನ ಗೆಳತಿ. . 

ಎದೆಯ ಹೊಲ ಉತ್ತು ಪ್ರೀತಿಯ ಬಿತ್ತು

ನಿನಗೇನು ಬಂತು ಕುತ್ತು

ಕಾಣದೇ ನಗೆಯ ಬೀರದೇ. . 

ಪರಿಮಳ ಸೂಸದೇ ತಂಗಾಳಿ ಬೀಸದೇ. . 

ಹೊರಟೆ ಎಲ್ಲಿಗೆ ಗೆಳತಿ

ಹೇಳಿ ಹೋಗು ಕಾರಣ. . . .